Mı çhımê xu cınai pıro,
Gos u kherike xu qapan kerdi,
Zerria xu gos dan ke,
Zerrê mı de ju lauke têra bena:
Hal u hekatê nia u nia.
Kami tu mı ra fit dür,
Bêtu ez bêkes u bêwairo,
Çhımê mı pêroc u pesewa raa tu pino,
tu şia, nêama, ez perişano,
a roca na roca hewnê mı bêtu nêno.
Lauke zerria mı kerde dılete,
nêzan bıberbi, nêzan bıvaci,
Mı derd ca verda, xo rê şio dürê dina,
Nişto ru gılê ko de têselia mı kota,
Çhımê mı ver de wenca tuya asena,
Wenca tu, wenca tu nıka mı vir de ra.
Cer muabenê kou de çhem çip çip sono,
Têde vengê hesretie şiqeno,
Asmeno hewz de hewro sıpi darde bio,
dar u ber dorme de surela kewela roino,
riê hardi gul u sosın xemelio.
Ju pers vecia, ama serê zone mı:
Key xeleşino welatê bindestê sari ra?
Qese qesei keno ra u dür ano nejdi,
Waştene ebê destberiye yena ra hurindi,
Cok ra ju raa asena, zerrê mı de bia ra:
Ae ser dina hira
u weşia roşta.