Na lınge de vinen ke taê sa u so ra qesey kene.
Qulanê xo de mevzi gureto verba ma haybıro beçıke erzenê re lınga tıfangi. Wertê nina de nustoği estê, sınatkari estê, kesê ke xo mordemê ilmê zoni, kamiye, kultur u itıqati zanê estê. Têdıma wertê çar dêsu de kenê hayleme…
Ma zanime ke ewro ra be meşte fiiliyat de xoseriya Dêsımi nêna hurêndi. Çı ke ebe fêl u emelo de biyağki Dêsım kerdo tar u mar. Domanê Dêsımi zêderi biyena xuya xase ra fişte duri. Zonê xora, kamiya xora, itıqatê xora, Hardo Dewrêş ra fişte duri. Kerdê ra u rêça bê mırade, arêyê şari rê ağwe ancenê.
Hama bızanê ke ebe kar u gurê mısletê Dêsımi fikriyatê Dêsımi bi mıqerem. Ni bıngi sera roc be roc fikriyatê Dêsımi beno berz, beno qayim.
Naera tepi kam çıxa hayleme keno bıkero raê de bine çina. Pêro pia zaf şenık, rew herêy ni kari ra bara xo cênê. Çhep ra be welatpereza kesê ke hata nıka Dêsım caê ra gırê dene, ya ki kar u gurê biyena Dêsımi fuzuli diyene, raşta Dêsımi inkar kerde hao i ki ‘Dêsımo xoser’ vanê.
Kılmek ra çıxa ke era xo mene ki, manê Fikriyatê Dêsımi de Mısletê Dêsımi çı ke beyan kerdo hao wertê nuste u vatênanê inade caê xo gureto.
No nia ro, nia bızanê…