Ma be xêr olvazê qedırgırani,
halê de tabiyo, mesela ke biye Dava Dêsımi zaf fıkr u zıkri vecinê werte. Mısletê Dêsımi na mane de têde fıkr u zıkranê Dêsımi rê wairêni kerdene xorê keno bıngê guriyaişê xo. Xoseriye u qorikerdena Hardo Dewrêşi, pay ra mendena zon, kultur, itıqat u kamiya a coğrafya ziyargeye sero cadkerdene bena amênê têareamaena ma.
Olvazê delali,
karo de nianên na lınge de marê çêverê de xêr keno ya, beno arzuhalê hesreta “Ma”.
Teknikê ewroy ebe interneti ra rama Heqiyê…
Mordemi ke teknoloji guret verê çıma, bese keno vaco, neşriyato digital ilam ke hetê debare ra, zaf muhimo, raê de raşta. Çı ke waxtê nıkay de roce biya roca neşriyatê interneti. Hacetê ze “eBook, iPad”i wenden u nustena digitale kenê bê emsal, her waxt u her ca de kenê rehet.
Wa u bıraêne,
ma ebe zerreweşiye kewtime rae. Têde veng u renganê xorê wair vecinime. Şıma ra mıneta ma pelga Mısletê Dêsımi, http://dersimmeclisi.com/, ra nustanê xo kêmi mekerê. Ma omıd kenime ke têde olvazê maê Cematê İdarê Mısletê Dêsımi u nustoğê Dêsımi 2-3 hêşti de rêy jü nuste bıcêrê qeleme, komisyonê medya rê bıruşnê ke na pelge daim desınde bımano.
Zobina fıkr u waştenanê xo ke marê biyarê re zon, benime şa.
Şımarê zamet fıkr u nustané xo desimeclisi2016@gmail.com rê bıruşnê.
Kılmek ra ma “ya wair” va, gama xo na çêvero xêr ra eşte zerre.
Nıka, cad tora, mırad wairi ra!
Ebe sılamanê dostêni bımanê weşiye de.
26.12.2016
Mısletê Dêsımi-Avrupa Komisyonê Medya