
Roe Kırmanciye
Cemal Taş
Tij Yayınları
2007, İstanbul
“Mıhemedê hometo ke sodır vecino sılam dano hometa xo, sonde sono wertê hurdianê xo. O topê nuriyo. Pilê asme be astarano, pilê hardê dewrêş u asmênê kheweiyo. O mısrıp ra vecino, mığrıp de sono. Qıbla ma hetê roc veciyaina. Roc u gun ma roci ra veneyme.
(…)
Verde retiye biya. Mara raver hardê made mıleto khan biyo. Yinu ra tepia Hermeni amo, dıma ma amayme. Hama keşi keşi de rıke nêonta pi-piyê mı.
(…)
Yanê ke, herg qefs ra, her reng ra, her jü itiqat ra mılet tey esto ha. Têde ki têdust derê, têde lacê piyê xoê. Kes keşi ra berz niyo.
(…)
Serra 1935 de çheki day are, 1936 de amay dewi bombe kerdi. 1937 de Alişer be Saan Ağaya kişiyay. Seyd Rıza cêriya. Yanê teseliya zediye sanê hetê, hona 1938 de sak kerd ser ra, têde qır kerdi.
(…)
Hukmati vat rau an, mekteb an, medeniyet an, hama raver qereqolê gırşi, qısley day vırastene…”