Komê Mın Lı Ber Nıgê Te.! [i]
Em hewki hay jı derdora xa bın.. Jı berku, me çıqas ku çanda/kultura xa nas kır, em weqas berfereh hızır dıkın u jı şaştiyên xa ji dur dıkevın..
Em rınd dızanın ku, kesên ku em perwerde kırıne.. Daxaza wan ji ew buye ku çanda xa bı me bıdın qebul kırın..
Jı ber vêna, dıvê dema ku em lı ser tışteki axıfiyan, em baş bızanın ku, ew pêzanin me dıbe ku şaş bın.. Em bı pir u rayberên xa (ew zaneyên cıvata me ne..) ra perwerde nebune, bê xelkê dın ra perwerde bune..
De ka ez dırêj nekım…
Çori Bori gotınek Kırmancki ye. Tê wateya “zıqumê bıxwın”.
Ew ziyaret lı dewera Depê (Karakoçan) lı gondê Golanêye. Ew weki kume u dı nav pçeki da ye.
Pırr kes dıbêjın;
Ew ziyaret lı gundê Paş buye, dura wanine Golanê.
Gundiyên Paş ji Kumsorın u Kırmancki qezi dıkın.
Ez ji du vê ziyaretê ketım, ka mın got ew çer buye fb. (falan-bêvan).
(…)
Hındık meri terın maleki rudının. Dura/Paşi xudiyê malê jınek wan ra xarınê tine.
Dıbêje;
De warın em xarına xa bıxwın.
Mivan;
Ew xarınê pırr hındıke, ma em çer têr bıbın?
Xudiyê malê;
Çori Bori. Ew xarın we gıştiyan têr dıke.
Dura rudınên xarına xa dıxwın, gışti têr dıbın lê, xarên lı ber wan dımine.
Destra ew radıbın, wê jınıkê dıgerın ku, şaştiya ku kırıne, jê ra bıbıjın u daxaza lêborinê bıkın.
Lê, vırda jınek, wırda jınek! jınek tune!..
Kınc-kolê jıneki lı pır deran tê ditın.
Kumê/kofiyê jıneki lı vê dewerê tê ditın.
Şıpêkê/solê xa gundê Deveçiyan[ii] tê ditın u fb.
Dı vê efsaneyê da:
- Qımêta jınê lı berçavane.
- Kum lı serê meriyên pir u kalane. Lı vır kum, weki nişana zanbunê ye. Pir u kal zaneyên cıvatêne. Dema ku hındık meri weki pirr tên nas kırın, ew tê wê wateyê ku, dı nav cıvatê da weki meriyên zanane.
- Dı çanda meda dema ku şer kar dıkeve, dı ciyê şer da jınek kumê xa avıt nav şervanan, êdi lı wır şer dısekıne. Gumane, ew çanda wusa/haka buye; jın weki pirre, zaneye. Dıvê meri guh bıde gotın u tevgerên wê fb.
- Dema ku meriyek (lı dewera me pırani jın wusa dıbêjın) naxaze tışteki nexaş bê kırın dıbêje;
Kumê mın lı ber nıgê te!
Dıbe ku bala ji kışandiye.
Filıma Mem u Zinê da ji dimen/sahne yên wusa hebun.
Bıla neyê bira kırın ku, lı dewera Dêsımê hê ji gelık ziyaret/pirozgeh bı navê jınê tê nas kırın.
[i] Çavkaniyên van pêzaninan bı pırani kekê mın Süleyman Halise.
[ii] Ew gundê Deveçiyan mısılmanın. U qet qala vê mıjarê nayê kırın.